بھارتی برج ٹیم برج فیڈریشن آف ایشیا اینڈ مڈل ایسٹ (BFAME) چیمپئن شپ کے لیے لاہور میں قیام سے لطف اندوز ہونے لگی۔
30 رکنی بھارتی برج دستے میں ایشیائی کھیلوں کے گولڈ میڈلسٹ پرنب بردھن بھی شامل ہیں، جنہوں نے 2018 کے جکارتہ گیمز میں اپنے ساتھی شیبھناتھ سرکار کے ساتھ مردوں کے جوڑے کا مقابلہ جیتا تھا۔
ارجن ایوارڈ یافتہ 2023 BFAME چیمپئن شپ میں بھی ایونٹ جیتنے کے لیے پسندیدہ ہیں اور انہوں نے لاہور کے مختلف مقامات کی سیر کا بھی لطف اٹھایا، جس کا اہتمام پاکستان برج فیڈریشن (PBF) نے کیا تھا۔
نجی ٹی وی سے گفتگو کرتے ہوئے پہلی بار پاکستان کا دورہ کرنے والی بھارتی کھلاڑی کلپنا اور ودیا کا کہنا تھا کہ انہیں ایسا محسوس ہورہا ہے کہ وہ گھر پر ہیں۔ دشمنی یا کسی دباؤ جیسی کوئی چیز نہیں ہے، کیونکہ پاکستان میں رہ کر ایسا محسوس ہوتا ہے جیسے وہ اپنے ہی ملک میں ہوں۔
انہوں نے پاکستانیوں کی مہمان نوازی کی بھی تعریف کی اور کہا کہ وہ سفر سے لطف اندوز ہو رہے ہیں۔
مقابلے میں پاکستان بمقابلہ انڈیا کے کچھ میچز بھی ہوئے، حالانکہ ایونٹ میں بنگلہ دیش، متحدہ عرب امارات اور فلسطین کی ٹیمیں بھی حصہ لے رہی ہیں۔
