میرپور پرائیویٹ ہسپتالوں بارے نوجوان قانون دان نے بڑا اقدام اٹھا لیا

(میرپور)
پراٸیویٹ ہسپتالوں میں ناتجربہ کار سٹاف کی چھان بین کے لیے درخواست سیکرٹری ہیلتھ، وزیراعظم آزادکشمیر و دیگر کو دے دی گٸی۔ درخواست نوجوان قانون دان خواجہ محمد آفاق ایڈووکیٹ ہاٸی کورٹ نے دی۔ سیکرٹری ہیلتھ کے علاوہ درخواست ڈی۔جی ہیلتھ ، میڈیکل سپرانٹنڈنٹ، ڈسٹرکٹ ہیلتھ آفیسر ، ڈرگ انسپکٹر کے علاوہ کمشنر میرپور ڈویژن ، ڈپٹی کمشنر، ایڈیشنل ڈپٹی کمشنر ، اسسٹنٹ کمشنر اور ڈی۔جی ہیومن راٸٹس Vigilance Cell کو دی گٸ۔ درخواست گزار کا مٶقف ہے کہ میرپور ڈویژن اور آزادکشمیر بھر میں موجود پراٸیویٹ ہسپتالوں میں ناتجربہ کار اور نان ٹیکنیکل سٹاف کم تنخواہوں پر بھرتی کر رکھا ہے جو کہ غیرقانونی اور PMDC کے قوانین کے خلاف ہے۔ پراٸیویٹ ہسپتالوں میں مطلوبہ اہلیت نہ رکھنے والے نرسنگ سٹاف کی غفلت کی وجہ سے آٸے روز عوام کو مشکلات کا سامنا کرنا پڑتا ہے اور جانوں کے ضیاع کا خدشہ رہتا ہے۔جبکہ پراٸیویٹ ہسپتال پابند ہے کہ وہ انہی لوگوں کو سٹاف میں بھرتی کریں جو کہ مطلوبہ اہلیت پر پورا اترتے ہیں جبکہ آزادکشمیر میں ایسا نہیں ہے۔ درخواست گزار کا مٶقف ہے کہ میرپور ڈویژن اور آزاد کشمیر بھر میں موجود پراٸیویٹ ہسپتالوں کی چھان بین کی جاٸے اور یہاں موجود تمام سٹاف کا ریکارڈ چیک کیا جاٸے اور مطلوبہ اہلیت نہ رکھنے والے ہسپتالوں کو فی الفور بند کیا جاٸے اور انہیں پابند کیا جاٸے کہ وہ تحت ضابطہ و قواعد سٹاف کو بھرتی کریں۔ پاکستان بھر میں نرسنگ سٹاف کو بھرتی کرنے کے قواعد موجود ہیں جبکہ یہاں اندھا قانون ہے اور کوٸی بھی پوچھ گچھ نہ ہونے کہ وجہ سے آٸے روز عوام کی مشکلات میں اضافہ ہوتا جا رہا ہے۔پراٸیویٹ ہسپتال بھاری فیسز لیتے ہیں جبکہ کم تنخواہوں پر ناتجربہ کار سٹاف بھرتی کر کے عوام کی جانوں سے کھیلتے ہیں۔ صحافیوں سے گفتگو کرتے ہوٸے مزید کہا کہ بہت جلد ان ہسپتالوں کے خلاف قانونی محاذ بھی کھولا جاٸے گا۔ ایسے کرداروں سے سختی سے نمٹا جاٸے اور ان کی چھان بین کر کے ان کے خلاف باقاعدہ قانونی کارواٸی کا آغاز کیا جاٸے۔ سیاسی و سماجی حلقوں نے نوجوان قانون دان خواجہ محمد آفاق ایڈووکيٹ کے اس مٶقف کی تاٸید کی ہے اور ان کے اس اقدام کو سراہا اور ہر قسم کے تعاون کی یقین دہانی بھی کرواٸی ہے۔