پاکستان کی انتہائی قابل احترام شخصیت عشرت فاطمہ پاکستان ٹیلی ویژن کی سینئر نیوز کاسٹر تھیں، اُن کا شمار بہترین نیوز کاسٹروں میں ہوتا تھا بلکہ آج بھی ہوتا ہے جو سن 1980 سے خبروں کے شعبے میں اپنی خدمات سرانجام دے رہی تھیں۔ انہوں نے ریڈیو پاکستان میں بھی کام کیا۔ عشرت فاطمہ کا تعلق اسلام آباد سے ہے۔
ہماری ویب ڈاٹ کام میں آپ کو عشرت فاطمہ سے متعلق بتانے جا رہے ہیں۔ ان کے مداح ان کی شخصیت سے تو واقف ہیں ہی مگر ان کی شادی کیسے ہوئی اور شوہر کون یہ بات نہیں معلوم ہوگی۔
اپنی شادی سے متعلق پہلی بار بات کرتے ہوئے عشرت فاطمہ نے کہا کہ ٹی وی سے پہلے ہی ہم خاندانی دوست تھے۔ میں اور میرے شوہر ایک دوسرے کو بہت عرصے سے جانتے تھے۔ عشرت فاطمہ نے بتایا کہ ان کے شوہر کی بہنیں میرے ساتھ کالج میں ہوا کرتی تھیں اور یوں ہی حالات بدلےاور ہم نے شادی کر لی۔
انہوں نے مزید بتایا کہ ہمارے دو بچے شاہمیر اور رویام ہیں۔ ہم متوسط طبقے کے لوگ ہیں، ہم صرف اپنی خواہش والدین تک پہنچاتے ہیں اور پھر وہ فیصلہ کرتے ہیں، میرے شوہر کے گھر والے میرے گھر آئے اور میرے والدین سے بات کی اور وہ مان گئے۔ ٹھیک ہے، میرا خاندان پہلے ہی قدامت پسند تھا۔
میں سمجھدار شخص سے شادی کرنا چاہتی تھی، ثاقب مجھے بہت عرصے سے جانتے تھے۔ انہوں نے کہا کہ ہر کامیاب عورت کے پیچھے ایک مرد (شوہر یا باپ) ہوتا ہے۔
عشرت فاطمہ نے کہا کہ جب ان کی بہن وائس آف امریکہ میں شامل ہونے کے لیے امریکہ جانا چاہتی تھی تو ان کے شوہر ثاقب نے ان کا ساتھ دیا اور عشرت کے والدین سے درخواست کی کہ وہ ان کی چھوٹی بہن کو جانے دیں۔ عشرت فاطمہ نے انکشاف کیا کہ ان کے شوہر اور والد ان کی زندگی میں انتہائی مددگار ثابت ہوئے ہیں۔
